سیاسي

سعدالله بلوچ، د طالبانو د سفارت سرپرست په جاکارتا کې، د اندونیزیا په بهرنیو چارو وزارت کې د منځنۍ او ختیځې آسیا د برخې له رئیس ریکی احسان سره د لیدنې پر مهال د پر سولې، ښه ګاونډیتوب او د سیمه‌ییزو همکاریو پر پراختیا ټینګار کړی دی.

د هند د سفارت د رسمي فعالیتونو له بیا پیل سره، هندي رسنیو راپور ورکړی چې کارن یادو د افغانستان لپاره د دغه هېواد د نوي سفیر په توګه ټاکل سوی دی.

یعقوب مجاهد، د طالبانو د دفاع وزیر، د پاکستان د وروستیو تورونو په غبرګون کې چې ګواکې هند د سیمې د ترینګلتیاوو تر شا لاس لري، دغه ادعاوې «بې‌اساسه، غیرمنطقي او د نه منلو وړ» بللي دي.

ذبیح‌الله مجاهد، د طالبانو ویاند، د کورنیو رسنیو سره په مرکه کې ویلي چې د طالبانو حکومت غواړي د نړۍ له ټولو هېوادونو، په ځانګړي ډول له متحده ایالاتو سره ښې اړیکې ټینګې کړي.

د هند د بهرنیو چارو وزارت اعلان کړی چې د دغه هېواد تخنیکي ماموریت به له دې وروسته د سفارت په کچه فعالیت کوي.

خواجه محمد آصف، د پاکستان دفاع وزیر، د طالبانو د حکومت د بدلون هر ډول پلان بې‌اساس او ګمراه کوونکی وبللو او ټینګار یې وکړ چې اسلام‌آباد د ثبات، متقابل احترام او له ګاونډیو سره د سوله‌ییزو اړیکو غوښتونکی دی.

محمد نبي عمري، د طالبانو د حکومت د کورنیو چارو وزارت مرستیال، د امریکا له احتمالي بیرته راستنېدو او د بګرام له اډې سره د تړون په اړه خبرې رد کړې او ویلي یې دي چې «له امریکا سره د بګرام په اړه هیڅ توافق نه دی سوی او اساساً داسې څه امکان نه لري.»

د قطر د بهرنيو چارو وزارت د طالبانو او پاکستان تر منځ د اوربند په اړه د خپلې اعلاميې نوې بڼه خپره کړې ده، چې پکښې د «پولې» کلمه د وروستۍ فقرې څخه ایستل سوې ده.