د معمار وحدت د خبري اژانس د راپور له مخې; د دویچه وله د خبر له مخي د جرمني حکومتي چارواکو خبر ورکړی چې ۳۲ افغان اتباع چې جرمني ته د انتقال په تمه وو اوس ژوندي نه دي.
د جرمني چارواکو ویلي دي چې ځینې مړینې د تاوتریخوالي پیښو له امله شوي، مګر هیڅ یو د برلین سره د انفرادي همکارۍ سره تړاو نلري.
ویل کیږي چې له دې جملې څخه ۱۵ تنه افغانان د طبیعي مړینې له امله مړه شوي دي. خو په تاوتریخوالي پېښو کې ۹ تنه وژل شوي دي.
په افغانستان کې پر یوه جومات د داعش په برید کې یو کس وژل شوی دی. له دغو کسانو څخه یوه بل ځان وژنه کړې او د نورو ۷ کسانو د وژل کېدو په اړه معلومات نشته.
د جرمني حکومت ویلي دي چې په تیرو ۱۵ میاشتو کې یې له افغانستان څخه د دغه هیواد ۳۶۰۰۰ پخواني همکاران، نور کسان چې د خبریالانو او د بشري حقونو د فعالانو په ګډون له خطر سره مخامخ دي، ایستلي دي.
خو لا هم له افغانستان څخه د زیانمنو شویو کسانو په ایستلو کې د هېوادونو د پاتې راتلو په اړه انتقادونه کېږي.