د معمار وحدت د خبری آژانس د خبر له مخې؛ د کاناډا د مهاجرت وزیر شان فریزر ویلي چې دغه کسان له پاکستان څخه په یوه ځانګړې الوتکه کې کاناډا ته انتقال شوي دي.
ښاغلي فريزر يادونه وکړه چې د هاليفکس په ښار کې د دې شمېر افغان اتباعو هرکلی کوي.
باید وویل شي، چې تېره اوونۍ له تاجکستان څخه کاناډا ته ۳۲۶ افغان کډوال لېږدول شوي وو.
د کاناډا د مهاجرت وزیر ویلي دي چې په دغو کډوالو کې د افغان ژباړونکو د کورنۍ غړي او هغه کسان هم شامل دي چې په افغانستان کې یې د کاناډا د ماموریت ملاتړ کړی دی.
تېر کال کاناډا اعلان وکړ چې ۴۰ زره افغان کډوال مني.
شان فریزر وویل چې تر اوسه پورې ۲۲۵۸۱ افغانان کاناډا ته انتقال شوي دي.