په هالنډ کې د افغانستان سفارت، د خپلو رسمي پاڼو څخه د جمهوریت د سمبولونو د لرې کولو په اړه د غبرګونونو وروسته، په خپله ویب پاڼه او ټولنیزو شبکو کې د “افغانستان اسلامي جمهوریت” لقب او ملي بیرغ بیرته راوستی دی.
دا اقدام په داسې حال کې شوی چې د طالبانو واکمني لا تر اوسه د کوربه هیوادونو لخوا نه ده په رسمیت پیژندل شوې.
د معمار پرس د خبر له مخې؛ په هالنډ کې د افغانستان سفارت یو ځل بیا د “افغانستان اسلامي جمهوریت” لقب او د هیواد درې رنګه بیرغ په خپله رسمي ویب پاڼه او ټولنیزو رسنیو پاڼو کې بیرته راوستی دی.
مخکې له دې، سفارت د جمهوریت سمبول او نوم له خپل لوګو او ټولنیزو رسنیو پاڼو څخه لرې کړی و، چې د غبرګونونو لامل شو.
