د معمار پرس د خبر له مخې؛ شان وان ډایر، د افغان آی ډبلیو سي رییس، یوه اداره چې متحده ایالاتو ته د افغان کډوالو د لیږد او ملاتړ لپاره کار کوي، اعلان وکړ چې د امریکا فدرالي حکومت د افغان کډوالو لپاره د لنډمهاله محافظت شرایط (TPS) موده د نورو 60 ورځو لپاره وغځوله.
وان ډایور د شنبې په ورځ (د ثور ۲۰مه) په خپل رسمي پلیټ فارم ایکس پاڼه کې ولیکل چې دا تمدید د هغو زرګونو افغان کډوالو د ملاتړ لپاره یو مهم ګام دی چې په متحده ایالاتو کې د ژوند کولو او کار کولو لپاره په دې شرايطو تکیه کوي.
هغه ټینګار وکړ چې ډیری دا خلک هغه کسان دي چې په افغانستان کې د امریکایي ځواکونو سره یوځای جنګیدلي او اوس یې په متحده ایالاتو کې نوی ژوند پیل کړی دی.
د کډوالو د حقونو فعال د لنډمهاله خوندي شوي شرایط لغوه کول د دې کډوالو سره “خیانت” وباله او د متحده ایالاتو پر حکومت یې غږ وکړ چې دوی ته نور دایمي محافظتونه ورکړي.