د معمار پرس د خبر له مخې؛ د پاکستان د بهرنیو چارو وزارت د شنبې په ورځ اعلان وکړ چې دې دریم هیوادونو ته د افغان کډوالو د لیږد د بیاکتنې لپاره یوه غونډه جوړه کړې ده.
د رسنیو د راپورونو له مخې، په دې غونډه کې دریمې نړۍ ته د افغان کډوالو د لېږد پر لارو چارو او په دې برخه کې د ممکنه ستونزو په اړه بحث وشو.
خو د پاکستان د بهرنیو چارو وزارت تر اوسه د غونډې د پایلو جزئیات نه دي خپاره کړي.
دا غونډه په داسې حال کې ترسره شوه چې په پاکستان کې د افغان کډوالو د توقیف او اخراج زیاتوالي د نړیوالو بشري حقونو سازمانونو اندیښنې راپورته کړې دي.
په دې وروستیو ورځو کې، پاکستان ۱۳۲ افغان اتباع په زوره د تورخم له لارې افغانستان ته شړلي دي.