د امریکا شل کلن پوځي حضور په افغانستان کې

ټرمپ: موږ کولای سوای د افغانستان په جګړه کې بریالي سو / بگرام د افغانستان او سیمې د راتلونکي د ثبات کلي ده

دونالډ ټرمپ، د امریکا د سمندري ځواکونو د بنسټ‌ایښودنې د ۲۵۰مې کلیزې په مناسبت په خپله وینا کې څرګنده کړه چې متحده ایالاتو د افغانستان د جګړې د ګټلو توان درلود، خو سیاسي پرېکړو ستراتیژیک فرصتونه له منځه یووړل.

لنډ لینک: https://memar.press/?p=152079
کې خپور شو 5:17 ب.ظ
د خبر شمیره 152079
15 میزان 1404

لنډ لینک: https://memar.press/?p=152079
کې خپور شو 5:17 ب.ظ
د خبر شمیره 152079
15 میزان 1404

د معمار خبري آژانس د راپور له مخې، دونالډ ټرمپ، د امریکا متحده ایالاتو ولسمشر، د ویرجینیا په ایالت کې د سمندري ځواکونو د ۲۵۰مې کلیزې په مناسبت په خپله وینا کې د افغانستان جګړې ته اشاره وکړه او ټینګار یې وکړ چې امریکا کولای سوای په اسانۍ سره دا جګړه وګټي. هغه زیاته کړه: «موږ د قاطع بریا وړتیا لرله، خو یوه سیاسي پرېکړه لامل سوه چې پوځي عملیات په کمه چټکتیا سره پر مخ ولاړ سي.» دغه څرګندونې هغه مهال وسوې چې ټرمپ د پخوانیو پالیسیو نیوکه کوله او ویل یې چې د واشنګټن ځینې سیاسي پرېکړو د افغانستان پوځي فرصتونه له منځه یووړل. ټرمپ په خپله وینا کې د بگرام هوايي اډې اهمیت ته هم اشاره وکړه او د هغې بېرته ترلاسه کول یې له ستراتیژیک پلوه حیاتي وبلل. هغه خبرداری ورکړ چې که دا اډه د امریکا تر کنټرول لاندې رانسي، د افغانستان او سیمې د راتلونکي لپاره به جدي او درنې پایلې ولري. د ټرمپ وینا د ویرجینیا په نورفولک سمندري اډه کې د امریکا د سمندري ځواکونو د ۲۵۰ کلنۍ د لمانځنې یوه برخه وه، چې د حکومت د تړل کېدو له شتون سره سره ترسره سوه. ټرمپ له دې غونډې څخه د خپلو لاسته راوړنو د ستاینې او د خپلو سیاسي مخالفانو د نیوکې لپاره ګټه واخیسته.