معمار پرس د خبر له مخې؛ د امریکا د بهرنیو چارو وزارت ویاندې ټامي بروس د دوشنبې په ورځ، د حوت په ۲۷مه په یوه مطبوعاتي کنفرانس کې اعلان وکړ چې هغه افغانان چې د امریکایي ځواکونو او ادارو سره یې کار کړی دی د سفر بندیز په لیست کې نه دي.
د امریکا د بهرنیو چارو وزارت ویاندې ټینګار وکړ چې د امریکا حکومت د افغان متحدینو د ملاتړ لپاره خپله ژمنه څرګنده کړې او وړ افغانان کولای شي د ځانګړو ویزو پروګرامونو، په شمول د ځانګړي مهاجرت ویزې (SIV) لپاره غوښتنه وکړي.
هغه دا هم وویل چې دا اقدام د هغو خلکو لپاره د کډوالۍ او میشتیدنې پروسې د اسانتیا په موخه شوی چې د متحده ایالاتو سره د دوی د همکارۍ له امله له امنیتي ګواښونو سره مخ دي.