ملا برادر: په افغانستان کې تر ۵۰۰ ډېرې پروژې روانې دي

د معمار پرس د خبر له مخې؛ د صدراعظم د دفتر اقتصادي مرستیال ملا عبدالغني برادر نن سه شنبې د جدي په ۱۲مه د کندهار د دامان ولسوالۍ په یوه جومات کې د اعتکاف په مراسمو کې په افغانستان کې د څه باندې ۵۰۰ لویو او کوچنیو پروژو د پرمختګ خبر ورکړ. هغه وويل، چې دغه پروژې په بېلابېلو برخو لکه د زيربناوو، اقتصاد، کرنې، اوبو لګولو او نورو برخو کې پلې کېږي. ملا برادر زیاته کړه چې د بدخشان د واخان سړک چې افغانستان له چین سره نښلوي، هم د دغو پروژو له جملې څخه دی. هغه وویل، دا پروژې د افغانانو د اقتصادي وضعیت د ښه والي او هوساینې لپاره اړینې دي.