د معمار پرس د خبر له مخې؛ د طالبانو د کورنیو چارو مرستیال وزیر محمد نبي عمري د سنبلې په ۱۹مه له افغانستان څخه د خلکو د ډله ییزې کډوالي په غبرګون کې له تعلیم یافته ځوانانو وغوښتل چې په هېواد کې پاتې شي او خدمت وکړي.
د طالبانو تر کنټرول لاندې د افغانستان ملي ټلویزیون سره په مرکه کې، عمري وویل چې د دې ډلې حکومت به د تعلیم یافته ځواکونو لپاره “عصري او دیني برخو کې” دندې پیدا کړي.
هغه زیاته کړه، طالبان تعلیم یافته ځوانانو ته اړتیا لري او له دوی څخه غواړي چې له حکومت سره همکاري وکړي.