د معمار پرس د خبر له مخې؛ د افغانستان لپاره د ملګرو ملتونو د سرمنشي ځانګړې استازې او د یوناما مشرې روزا اوتونبایوا اعلان وکړ چې د دوحې دوه ورځنۍ غونډه، (د ۲۰۲۵ کال د جون ۳۰مه او د جولای ۱) چې د ۲۶ هیوادونو او نړیوالو سازمانونو د استازو په ګډون ترسره شوه، د طالبانو سره د اړیکو پیاوړتیا او د افغانانو ملاتړ باندې متمرکزه وه.
یوناما د سرطان په ۱۶مه، د دوشنبې په ورځ په یوه مطبوعاتي اعلامیه کې د اوتونبایوا له قوله لیکلي: “دا غونډه د طالبانو سره د افغانستان د نړیوالو مکلفیتونو په اړه د بحث لپاره یو مهم فرصت و. موږ د دې ډلې سره د لا زیاتې ښکیلتیا او د افغانانو لپاره د ملاتړ ټینګار وکړ، په ځانګړې توګه په ټولنه او د هیواد په اقتصادي بیارغونه کې د ښځو او نجونو مهم رول روښانه کړ.”
