د معمار پرس د خبر له مخې؛ د کډوالۍ نړیوال سازمان (IOM) راپور ورکړی چې د روان کال د فبروري میاشتې په لومړیو دوو اونیو کې، ۱۱،۶۷۰ افغان کډوال له پاکستان څخه افغانستان ته راستانه شوي دي.
دې سازمان د سې شنبې په ورځ، د حوت په ۱۴مه، په یوه راپور کې اعلان وکړ چې له پاکستان څخه د افغان کډوالو د جبري ایستلو پروسه د جنوري د وروستیو دوو اونیو په پرتله دوه چنده شوې ده.
د راپور له مخې، د دې خلکو ۹۱ سلنه د نیول کیدو له ویرې خپل هیواد ته راستانه شوي دي.