د ښځینه خبریالانو پر وړاندې تبعیض او ننګونې دوام لري

د یوه تازه راپور له مخې، طالبان د جنسیتي تبعیض او د حقیقت له څرګندېدو د وېرې له امله ښځینه خبریالانو ته د معلوماتو له ورکولو ډډه کوي. دا کار د دې لامل شوی چې ډېری ښځینه خبریالانې اطلاعاتو ته د نه لاسرسي او قانوني خوندیتوب له امله کار پرېږدي. د قانوني ضمانتونو او د حساب ورکونې د سیستم نشتوالي د ښځینه خبریالانو لپاره وضعیت خورا ستونزمن کړی دی. د بشري حقونو سازمانونو د دې وضعیت په وړاندې خبرداری ورکړی او د بیان د ازادۍ په ځانګړې توګه د ښځو د دفاع پر اهمیت یې ټینګار کړی دی