د طالبانو لخوا د شیعه علماو شورا د منحلولو د پلان په اړه څیړنه

د طالبانو د داخلي سرچینو څخه راپورونه ښیي چې دا ډله به د افغانستان د شیعه علماوو شورا منحل او غیر قانوني اعلان کړي. د معمار پرس د خبر له مخې؛ سرچينې زياته کړې، چې د طالبانو استخباراتي کړۍ د دغه پلان جوړوونکي دي. ویل کېږي چې د دغې پرېکړې اصلي لامل د شورا بې کفایتي او په تېر حکومت کې د هغې له جمهوري ریاست سره د همکارۍ تورونه وو. د طالبانو یوې باخبره سرچینې ویلي چې دا پلان لا هم د وړاندیز په مرحله کې دی او نهايي شوی نه دی. د دې اقدام موخه د اسلامي امارت تر څارنې لاندې د افغان شیعه ټولنې د استازي په توګه د یوې نوې ادارې رامنځته کول دي.