د معمار پرس د خبر له مخې؛ د روسیې د بهرنیو چارو وزیر سرګي لاوروف او د شمالي کوریا د بهرنیو چارو وزیر چوئه سون هوی نن سهار د شنبه په ورځ د مسکو او پیونګ یانګ ترمنځ د ستراتیژیکو خبرو اترو د دوهم پړاو د یوې برخې په توګه د ووانسان په ښار کې سره ولیدل او خبرې اترې یې وکړې.
دا ډول لومړۍ غونډه د ۲۰۲۴ کال په نومبر کې مسکو ته د شمالي کوریا د بهرنیو چارو وزیر د رسمي سفر په جریان کې ترسره شوه. په هغه وخت کې، خبرې اترې له دریو ساعتونو څخه ډیرې دوام وکړ.
د شمالي کوریا د بهرنیو چارو وزیر چوئه سون هوی، د روسیې د بهرنیو چارو وزیر سرګي لاوروف سره د رسمي غونډې په ترڅ کې، د روسیې د ملي حاکمیت او ځمکنۍ بشپړتیا د دفاع په برخه کې د مسکو د پالیسیو لپاره د خپل هیواد غیر مشروط ملاتړ ټینګار وکړ.
