د معمار پرس د خبر له مخې؛ د طالبانو د صدراعظم اداري مرستیال مولوي عبدالسلام حنفي د سه شنبې په ورځ، د اسد په ۱۴مه، په کابل کې د مهاجرت د نړیوال سازمان (IOM) د دفتر مشر محمد عبدیکر او ورسره پلاوي سره ولیدل.
دا غونډه د افغانستان ته د راستنیدونکو کډوالو د ملاتړ لپاره د همکارۍ د پیاوړتیا په موخه ترسره شوه.
د کډوالو او راستنیدونکو چارو وزارت د مطبوعاتي دفتر په وینا، محمد عبدیکر وویل چې په افغانستان کې د مهاجرت د نړیوال سازمان (IOM) دفتر چمتو دی چې د راستنیدونکو کډوالو سره هر اړخیزه همکاري وکړي.
