د معمار پرس د خبر له مخې؛ د لبنان حزب الله یوه رسمي اعلامیه خپره کړې چې د ایران په خاوره کې د صهیونیسټ رژیم د وروستي برید په کلکه غندنه کوي، او دا یې د ایران د اسلامي جمهوریت د ملي حاکمیت ښکاره سرغړونه بللې ده.
په اعلامیه کې راغلي: “دا یرغل یو ځل بیا ثابتوي چې صهیونیسټ دښمن هیڅ منطق، اصولو یا نړیوالو قوانینو ته پابند نه دی، او یوازې د وژنې، اور او ویجاړۍ ژبه پوهیږي.”
حزب الله ټینګار کړی چې دا پاروونکی عمل د صهیونیسټ رژیم د تیري طبیعت منعکس کوي، کوم چې د سیمې سولې او امنیت ته جدي ګواښ دی.
