د تورخم سرحدي دروازه بې له رسمي وضاحته وتړل سوه

د معمار خبري آژانس د راپور له مخې، د افغانستان او پاکستان ترمنځ د تورخم سرحدي دروازه د دوشنبې په ورځ، د وږي ۳۱مه، د مسافرو پر تګ راتګ تړل سوې ده. قریشي بدلون، په ننګرهار ولایت کې د طالبانو د مطبوعاتو مسوول، ویلي چې دا دروازه د پاکستان له لوري «د نامعلومو دلیلونو» له مخې تړل سوې او تر بلې خبرتیا پورې به تړلې وي. هغه له خلکو غوښتي چې په دې لاره له تګ راتګ ډډه وکړي او تر رسمي پرانیستې پورې صبر وکړي. د تورخم سرحدي دروازه چې د افغانستان او پاکستان ترمنځ د تګ راتګ له مهمو نقطو څخه شمېرل کېږي په تېرو څلورو کلونو کې څو ځله د امنیتي، سیاسي او یا تخنیکي دلایلو له امله تړل سوې ده. دغه وضعیت پخوا هم د دواړو هېوادونو د خلکو او سوداګرۍ په تګ راتګ کې ستونزې رامنځته کړي دي.