د معمار پرس د خبر له مخې؛ په افغانستان کې د ماشومانو د ساتنې سازمان اعلان کړی چې په هیواد کې ۱۸ روغتیايي مرکزونه د بودیجې کمښت له امله تړل شوي دي.
دې سازمان د سې شنبې په ورځ، د حوت په ۲۱مه، یو راپور خپور کړ، چې اعلان یې وکړ چې که سمدستي مالي مرسته ترلاسه نه شي نو په راتلونکو څو اونیو کې به ۱۴ نور مرکزونه وتړل شي.
د ماشومانو د ساتنې سازمان زیاته کړه چې د مالي مرستو کمښت او د دې روغتیايي مرکزونو تړلو افغان ماشومان له لویو خطرونو سره مخ کړي دي.
دې سازمان دا هم وویل چې د بهرنیو مرستو وروستي کمښت د دې لامل شوی چې سازمان د خوارځواکۍ لرونکو ماشومانو د درملنې پروګرامونه ودروي.