په دې کتنه کې په مزارشريف کې د ايران قونسل جنرال د افغانستان او ايران جمهوريت ترمنځ د ښو او اوږدمهاله اړيکو يادونه وکړه او ویې ویل، چې د ايران د سوداګريزو توکو د لېږد، صنعت او کانونو، کرنې او مالدارۍ، د ښوونځیو رغول، په فرهنګي مرکزونو کې د کتابتونونو جوړول، د ټولنیزو سالونونو جوړول او درملنې خدمتونه او نور برخو کې فعالیت خپل فعالیت ته د تېر په څېر ادامه ورکوي.
نوموړي دغه راز له هرات او بادغيس تر فارياب، جوزجان، بلخ او نورو ولایتونو سره د نښلوونکي سړک جوړول یې د دواړو هېوادونو ترمنځ د سوداګریزو توکو د لېږد برخه کې اړین یاد کړ.
په ورته وخت کې مولوي محمد داوود مزمل په مزارشریف کې د ایران د جمهوریت قونسل جنرال هرکلی وکړ او د دواړو هېوادونو ترمنځ یې د ښو اړیکو د دوام غوښتنه وکړه.
مزمل په افغانستان کې د اسلامي نظام د پياوړتيا او د ټولنيزو او رغنيزو فعاليتونو په برخه کې د ايران له اقداماتو مننه وکړه او ويې ويل، چې ايران او افغانستان يو د بل وروڼه دي.
نوموړي دغه راز له هرات څخه تر فارياب پورې د سړک د جوړېدو يادونه هم وکړه او ويې ويل، چې په تېرو اوونيو کې يې د يادو ولايتونو له واليانو سره ناستې کړي او دغه موضوع يې له ټولګټو وزارت سره شريکه کړې او په دې برخه کې به اقدام ترسره شي.