د افغانۍ پیسې په ۲۰۲۴ کال کې د نړۍ له دریو باثباته اسعارو څخه شو

د معمار پرس د خبر له مخې: بلومبرګ په یوه نوي راپور کې دا اعلان کړې دي چي افغانۍ، د افغانستان اسعارو په ۲۰۲۴ کال کې د نړۍ له دریو تر ټولو باثباته اسعارو په توګه معرفي شوه. په ورته وخت کې، د لبنان لیرا د 83٪ څخه ډیر کمښت سره د نړۍ د اسعارو په مینځ کې د ارزښت ترټولو ډير کمښت تجربه کړی. د دغه راپور له مخې، په وروستۍ نړیواله درجه بندۍ کې افغانستان د تېر کال په پرتله خپل دریځ ښه کړی دی. په دې درجه بندۍ کې ایتوپیا، نایجریا، ارجنټاین، برازیل، روسیه، ګانا، مکسیکو او ترکیه هم د هغو هېوادونو په لېست کې دي چې د ملي اسعارو په ارزښت کې د پام وړ کموالی راغلی دی.