ایران افغانستان ته د ۶۷ زره ټنه کرنیزو محصولاتو د صادرولو اعلان وکړ

د معمار پرس د خبر له مخې، د تایباد ولسوال افغانستان ته د ۶۷ زره ټنه کرنیزو محصولاتو د صادرولو اعلان وکړ او ویې ویل: په دغه اندازه کرنیزو محصولاتو کې ۳۵۰۰۰ ټنه پټاټې، ۱۰۷۰۰ ټنه مڼې، ۳۵۰۰ ټنه مالټې او ۱۷۸۰۰ ټنه نور محصولات شامل دي. مهدي شيردل زياته کړه: همدا راز په همدې موده کې ٣٠٥٠٠ ټنه کرنيز محصولات افغانستان ته رالېږدول شوي چې له دې جملې څخه تل، مميزو، د مونګ لوبيا او د غوړيو بېلابېل محصولات دي. هغه له افغانستان څخه دکرنيزو محصولاتو وارداتو ته اشاره وکړه او ويې ويل: د روان کال له پيل څخه تراوسه پورې څه دپاسه لس زره ټنه مميزو، جلغوزي، وريجې او نباتاتي تخمونه له افغانستان څخه دوغارون پولې ته داخل شوي دي.