د معمار وحدت د خبری آژانس د خبر له مخې؛ احمد مسعود دغه څرګندونې له اتلانتیک شورا سره په خپله وروستۍ مرکه کې کړې، چې د جمعې په ورځ د اسد په ۲۱مه خپره شوه.
د ملي مقاومت جبهې د مشر په وینا، طالبان د خپلو شاته تګ او د جامع نظام د جوړښت له سمون سره علاقه نه لري.
ښاغلي مسعود په دې مرکه کې ویلي، چې د طالبانو پر وړاندې به خپله جګړه نه پرېږدي.
د ملي مقاومت جبهه یو له هغو لومړنیو ځواکونو څخه ده چې د طالبانو تر واکمنۍ وروسته یې د دغې ډلې پر ضد وسله واله مبارزه پیل کړه.