د معمار وحدت د خبری آژانس د خبر له مخې؛ د بلخ ولايت د عامې روغتيا رييس نجيب الله توانا وايي، چې د پېښې له ځايه شپږ ټپيان د بلخ روغتون ته لېږدول شوي دي.
ښاغلی توانا د ټپیانو روغتیايي وضعیت ښه بولي خو وايي چې یو تن ټپي خپله پښه له لاسه ورکړې ده.
د پېښې عيني شاهدان وايي، چې چاودنه نن (چهارشنبه د سنبلې دويمه) شاوخوا يوولس بجې د بلخ د څلورمې امنيتي حوزې اړوند د بلخ دروازې په سيمه کې شوې ده.
خو دبلخ ولايت دامنيې قوماندانۍ وياند محمد اصف وزيري وايي چې په دې پيښه کې يو تن چې دغه چاوديدونکي توکي يې ليږدول ټپي شوى او بل چاته زيان نه دى اوښتى