د معمار خبري آژانس د راپور له مخې، هندي رسنیو ویلي چې د کابل په سفارت کې د فعالیت له بیا پیل وروسته، کارن یادو د هند د نوي سفیر په توګه ګومارل سوی دی.
کارن یادو تر دې وړاندې د یو کال لپاره په کابل کې د هند د تخنیکي هیئت مشري کړې وه او د دغه هېواد د بشري مرستو او پراختیایي پروژو د همغږۍ په برخه کې یې فعاله ونډه لرله. هغه له ۲۰۱۴ کال راهیسې د هند د بهرنیو چارو وزارت کې دپلوماټ په توګه دنده ترسره کوي او له دې مخکې یې د هند په سفارتونو کې په مالدیو او سریلانکا کې ماموریتونه درلودل.
د نوي سفیر ټاکنه د نوې ډهلی له لوري د کابل سره د سیاسي او اقتصادي اړیکو د پیاوړتیا نښه بلل کېږي هغه اقدام چې د شنونکو په باور، کولای سي د طالبانو له بیا واک ته رسېدو وروسته د هند او افغانستان ترمنځ د اړیکو نوی پړاو پرانیزي.
11:39
