د طالبانو د ځواب ویلو لپاره د ولسي محکمې جوړېدل

په هسپانیا کې د طالبانو د جنایتونو د څېړلو لپاره ولسي محکمه جوړیږي

“د افغانستان د ښځو لپاره ولسي محکمه” د ښځو سره د زور زیاتی د مستند کولو او طالبان ځواب ویلو ته د اړ کولو په موخه، د میزان له ۱۶مې تر ۱۸مې نېټې پورې د هسپانیا په مادرید ښار کې ترسره کیږي.

لنډ لینک: https://memar.press/?p=152068
کې خپور شو 4:57 ب.ظ
د خبر شمیره 152068
15 میزان 1404

لنډ لینک: https://memar.press/?p=152068
کې خپور شو 4:57 ب.ظ
د خبر شمیره 152068
15 میزان 1404

د معمار خبري اژانس د راپور له مخې، د افغانستان د ښځو ولسي محکمه د طالبانو د جنایتونو په تړاو د دوی د ځواب ویلو او د ښځو سره د زور زیاتې د منظم مستند کولو په موخه، د میزان له ۱۶مې تر ۱۸مې نېټې پورې د هسپانیا په مادرید ښار کې جوړیږي. دغه محکمه په خپل وېب‌سایټ کې د قاضیانو، څارنوالانو او د نړیوالو حقوقي متخصصینو لست خپور کړی دی. د دې محکمې په وینا، اصلي موخه یې د ښځو په وړاندې د زور زیاتې مستند کول او طالبان د خپلو کړنو په خاطر ځواب ویلو ته اړ کول دي. د دغې محکمې قاضیان، څارنوالان او متخصصین د امریکا، هند، افغانستان او یو شمېر نورو هېوادونو څخه راغلي دي. په وېب‌سایټ کې لیکل سوي: «د رسمي قضايي پروسو تر څنګ، د یو بشپړونکي ولسي میکانیزم کارول چې د افغان ښځو غږ پیاوړی کړي او طالبان ځواب ویونکي کړي، خورا مهم دي.» یاده محکمه سږ کال د افغانستان د بشري حقونو د مدافعانو له‌خوا رامنځته سوې او موخه یې د طالبانو د جنایتونو څېړل او هغوی ته د حساب ورکولو غوښتنه ده.