تاجیکستان ته د پوتین سفر د سیمې او افغانستان پر تحولاتو تمرکز لري

د معمار خبري آژانس د راپور له مخې؛ د کرملین ماڼۍ ویلي چې ولادیمیر پوتین به د اکتوبر په نهمه نېټه تاجیکستان ته سفر وکړي ترڅو له امامعلي رحمان سره د افغانستان د تحولاتو او د دوه هېوادونو ترمنځ د سیمې د ګواښونو په وړاندې د امنیتي همکارۍ په اړه خبرې وکړي. سمیون ګریګوریف، د روسیې سفیر په تاجیکستان کې ویلي چې د افغانستان اړوند مسایل به د خبرو اترو اصلي محور وي. ګریګوریف زیاته کړه چې دواړه هېوادونه به د شانګهای د همکارۍ سازمان په چوکاټ کې د افغانستان په برخه کې همکاري وکړي، او د روسیې او تاجیکستان دفاع وزارتونه د روسیې د ۲۰۱ مې پوځي اډې د ظرفیت د پیاوړتیا او د تاجیکستان د وسله والو ځواکونو د نوي کولو هڅې څېړي. د ۲۰۱ پوځي اډې، چې د روسیې تر خاوري بهر تر ټولو لوی پوځي تأسیسات دي، وروسته له هغه چې طالبان د ۱۴۰۰ کال د اسد په میاشت کې په افغانستان واکمن سول، د تمریناتو او مشقونو په زیاتولو سره په عصري تجهیزاتو سره سمبال سوې دي. سرګئي شایګو، د روسیې د امنیت شورا منشي، مخکې له دې خبرداری ورکړی وو چې په افغانستان کې د نړیوالو ترهګرو ډلو له ۲۳ زرو زیات جنګيالي د سیمې او نړۍ د امنیت لپاره جدي ګواښ دی.