د سپین‌بولدک د پولې تړل کېدل

په چمن، پاکستان کې د چاودنې له امله د سپین‌بولدک د تګ راتګ لاره بنده سوه

د چمن په سیمه کې د ځانمرګی برید له امله لږ تر لږه شپږ تنه وژل سوی، او د سپین بولدک پوله د تګ راتګ پر مخ تړل سوې ده.

لنډ لینک: https://memar.press/?p=149382
کې خپور شو 2:06 ب.ظ
د خبر شمیره 149382
30 سنبله 1404

لنډ لینک: https://memar.press/?p=149382
کې خپور شو 2:06 ب.ظ
د خبر شمیره 149382
30 سنبله 1404

پاکستاني رسنیو خبر ورکړی چې د چمن په سیمه کې د یو ځانمرګی برید په پایله کې لږ تر لږه شپږ تنه وژل سوي او د سپین‌بولدک پوله د تګ راتګ پر مخ تړل سوې ده. د راپورونو له مخې، دا چاودنه د ډیورند کرښې ته نږدې د کډوالو د کمپ څنګ ته د جمعې په ورځ رامنځته سوې ده. د اکسپرس ټریبیون ورځپاڼې د شنبې ورځ، د سنبلې ۲۹مه، په راپور کې لیکلي چې د برید له امله د سپین‌بولدک د پولې دواړه خواوې د خلکو پر تګ راتګ تړل سوي او د برید د څېړنو لړۍ روانه ده. تر اوسه روښانه نه ده چې دا ځانمرګی برید د کومې ډلې له لوري او د څه موخې لپاره ترسره سوی. د کندهار طالب چارواکو تر دې دمه په دې اړه کوم غبرګون نه دی ښودلی.