د معمار پرس د خبر له مخې؛ په بامیان کې د طالبانو د والي ویاند عبدالصبور سیغاني نن، چهارشنبه، د اسد په ۸مه اعلان وکړ چې دا پروژه به د ولایت په مرکز کې په څو کلیو کې د ۲۸ ملیون افغانیو په بودیجه پلي شي.
د هغه په وینا، د دې پروژې هدف د څښاک د اوبو کمښت له منځه وړل او د کلیوالو د ژوند شرایط ښه کول دي.
د بامیان والي عبدالله سرحدي د دې پروژې د پرانیستې په مراسمو کې وویل چې دا پروژه د خلکو د اساسي اړتیاوو د پوره کولو لپاره یو مهم ګام دی.
هغه ټینګار وکړ چې پاکو اوبو ته لاسرسی د کلیوالي سیمو د پراختیا لپاره یو له اصلي لومړیتوبونو څخه دی.
