د معمار پرس د خبر له مخې؛ عبداللطیف نظري د تسنیم خبري اژانس سره په مرکه کې وویل چې د هرات-خواف د اورګاډي پروژه به د دواړو هېوادونو ترمنځ د سوداګرۍ او اقتصادي تبادلې په زیاتولو کې مهم رول ولوبوي.
هغه د افغانستان لپاره د چابهار بندر اهمیت هم په ګوته کړ او زیاته یې کړه چې طالبان غواړي د دې بندر له ظرفیت څخه د اقتصاد د پیاوړتیا او دوامداره ودې ترلاسه کولو لپاره کار واخلي.
د یادونې وړ ده چې ایران او افغانستان، د دوو ګاونډیو هیوادونو په توګه چې کلتوري او تاریخي ورته والی لري، په وروستیو کلونو کې د دوی په سوداګریزو تبادلو کې وده لیدلې ده.
