د ایران د کورنیو چارو وزیر اسکندر مومني د ولایتي چارواکو سره په ګډه غونډه کې وویل چې ایران نور د نورو غیرقانوني کډوالو د منلو وړتیا او ظرفیت نلري.
د ایران د کورنیو چارو وزیر د غیر مجاز بهرنیو کډوالو د شتون په اړه زیاته کړه: “د غیر مجاز بهرنیو کډوالو مسله د خلکو له جدي غوښتنو څخه ده، ځکه چې دې مسلې د ایراني اتباعو څخه ډیری کاري فرصتونه له منځه وړي دي.”
هغه وويل چې تېر کال له ايران څخه له ۱.۲ مليون څخه ډېر غير قانوني کډوال شړل شوي او دا پروسه دوام لري.
مومني د ملي مهاجرت سازمان د جوړولو قانون ته هم اشاره وکړه او ویې ویل: “دا قانون د حکومت لخوا تصویب شوی او اوس د پارلمان په اجنډا کې دی.”