د معمار پرس د خبر له مخې؛ په کابل کې د ایران سفارت د یکشنبې په ورځ اعلان وکړ چې د ایران د صنعت، کانونو او سوداګرۍ وزیر سید محمد اتابک به ډېر ژر افغانستان ته سفر وکړي.
دا خبر په کابل کې د ایران سفیر علی رضا بیکدلي په تهران کې د اتابک سره له لیدنې وروسته اعلان کړ.
د ایران سفارت د اتابک له قوله هم ویلي چې هغه له افغانستان سره د همکارۍ د پراخولو پر اهمیت ټینګار کړی او زیاته یې کړې چې ډېر ژر به د ایران له یوه پلاوي سره دغه هېواد ته سفر وکړي.
ایراني چارواکي هڅه کوي چې په افغانستان کې له طالبانو سره خپلې سوداګریزې اړیکې پراخې کړي.