د معمار پرس د خبر له مخې؛ د بلخ پخواني والي او د افغانستان د جمعیت اسلامي ګوند مشر عطا محمد نور د افغانستان د ملي مقاومت جبهې د قوماندان خیر محمد خیرخواه د کلیزې په مراسمو کې اعلان وکړ چې د طالبانو پر وړاندې د ملي مقاومت جبهې او د افغانستان د آزادۍ جبهې د وسله والې مبارزې ملاتړ کوي.
هغه په هغو مراسمو کې چې په اندراب کې د خیرخواه د وژنې د دوهمې کلیزې په مناسبت جوړ شوي وو وویل: “په سولې ټینګار د آزادۍ لپاره د مبارزې رد کول نه دي. موږ نه یوازې د ملي مقاومت جبهې او د آزادۍ جبهې جګړې نه ردوو، بلکې ملاتړ او هرکلی یې کوو.”
خو د بلخ پخواني والي ټینګار وکړ چې جګړه لومړی انتخاب نه دی، بلکې وروستۍ چاره ده.