د معمار پرس د خبر له مخې، د طالبانو د اطلاعاتو او کلتور وزارت اعلان وکړ چې د راډیو بیګم فعالیتونه په هیواد کې د “د خپرونو د پالیسیو د سرغړونې” له امله ځنډول شوي دي.
په یوه مطبوعاتي اعلامیه کې چې د سې شنبې په ورځ، د دلو په ۱۶مه خپره شوه، دغه وزارت وویل چې راډیو بیګم د خپل فعالیت جواز څخه په ناوړه ګټه اخیستنې سره د خپرونو پالیسیو سرغړونه کړې ده.
د طالبانو د اطلاعاتو او کلتور وزارت ادعا کړې چې راډیو بیګم په بهر کې د یوې ټلویزیوني شبکې لپاره ځینې پروګرامونه تولید او خپاره کړي دي.
وزارت دا هم اعلان وکړ چې د اسنادو او شواهدو له بیاکتنې وروسته به د راډیو سټیشن د عملیاتو د دوام په اړه وروستۍ پریکړه وشي.