براساس خبرنامه وزارت امور داخله، استادان و فعالان شهر جلال‌آباد در دیدار با وزیر داخله حکومت سرپرست، خواهان بازگشایی دانشگاه‌ها به‌روی دختران و زنان شدند.
به گزارش خبرگزاری معمار؛ شماری از استادان دانشگاه‌های خصوصی در ولایت ننگرهار، در دیدار با سراج‌الدین حقانی، سرپرست وزارت امور داخله، خواهان از سرگیری آموزش دختران در پوهنتون‌ها و مکتب‌ها شدند.
سراج‌الدین حقانی، سرپرست وزارت داخله، در جریان سفرش به ولایت ننگرهار، با استادان دانشگاه، عالمان دین و بزرگان قومی این ولایت دیدار کرد.
احمد طارق، استاد دانشگاه در دیدار با سراج‌الدین حقانی گفت مردم ننگرهار، مسلمان‌اند و آنها نه تنها آموزش دختران را می‌پذیرند بلکه در زمینه تطبیق آن نیز همکاری خواهند کرد.
