به گزارش خبرگزاری معمار؛ منابع مردمی در بدخشان می‌گویند که یک سرباز حکومت پیشین افغانستان زیر شکنجهٔ طالبان کشته شده است.
به گفتهٔ منابع، این سرباز پیشین، احسان‌الله نام داشت و سه روز پیش از خانه‌اش در ناحیهٔ اول شهر فیض‌آباد مرکز بدخشان از سوی طالبان بازداشت شده بود.
طالبان جسد او را روز سه‌شنبهٔ ۱۴ قوس، در نزدیکی خانه‌اش انداخته‌اند.
او در حکومت پیشین افغانستان، در قطعهٔ واکنش سریع ریاست امنیت ملی، کار می‌کرد.
