کانادا: ۳۴۷ مهاجر افغان از تاجیکستان به تورنتو انتقال داده شدند

0

وزارت امور مهاجرت کانادا اعلام کرده که ۳۴۷ پناهجوی افغان را از تاجیکستان انتقال داده است.

به گزارش خبرگزاری معمار وحدت؛ این وزرات امروز پنج‌شنبه، نوزدهم عقرب گفته است که طی یک پرواز اختصاصی شماری از پناهجویان افغان را از تاجیکستان به تورنتو انتقال داده است.

کانادا یکی از کشورهایی است که پس از سقوط افغانستان تعداد زیادی از شهروندان افغانستان را به این کشور انتقال داده است.

همچنان شهروندان افغانستان که پس از ۱۵ اگست ۲۰۲۱ به تاجیکستان رفته بودند از اینکه در آستانه‌ی اخراج از این کشور قرار دارند شکایت کردند.

وزارت مهاجرت این کشور پیش از این اعلام کرده بود که تا پایان سال ۲۰۲۳ میلادی حدود ۴۰ هزار شهروند افغانستان را می‌پذیرد.

بربنیاد آمار اداره مهاجرت و شهروندی کانادا، این کشور تاکنون به ۲۳ هزار شهروند افغانستان اسکان داده است.

پاسخ دادن

دیدگاه خود را وارد کنید
لطفا نام خود را وارد کنید